25%+ مواد خام

المساهمات : 15 تاريخ التسجيل : 11/03/2008

مرحبا شباب ..... كيفكم؟

بدي احكيلكم اليوم عن طريئة بتخلي عنكم +25 % من كل نوع من المواد الخام انا شخصيا باتبعها.....

أول شي بظن انو الكل بيعرف انو لما بيبلش الواحد اللعبة بيكون معو 35 دهب اللي من خلالها فيكم تعملوا +25 % من المواد الخام لمدة سلعة أيام بالاضافة لميزات أخرى..... وانا متأكد انكم استعملتوهم وخلصو...

بس انا اليوم بدي احكيلكم شلون نكسب دهب ببلاش:
أول شي بتكبس على Travian Plus الموجودة على اليمين متل مو واضح بالصورة ومحطوط((1))

بعد ماتكبس حتطلعلك تمام متل هي الصورة ومن هون فينك تستفاد من ميزات الدهب بس مشان تكسب الدهب اكبيس على كسب الدهب متل مو محطوط بالصورة الرقم ((2))

25%+ مواد خام Get-4-2008-alraeq_net_e7650g7r

25%+ مواد خام Get-4-2008-alraeq_net_e7650g7r

وهلء بعد ماتكبس على كسب الدهب بتطلعلك متل الصورة هي التانية واللي موجود فيها الرابط الخاص فيك مشان تدعو رفئاتك للعبة عن طريئة.....
انت هلء بتنسخ هادا الرابط وبتفتح صفحة انترنت جديدة وبتفتحوا وبتسجل باللعبة انت وحاليا في السيرفرين السادس والسابع بامكانك اتسجل فيهم ( لحئو حالكم السادس حيسكروه بينما السابع فينك اتسجل بكرى الساعة سبعة الصبح حتبلش اللعبة يعني فيها متعة انك تبلش متلك متل غيرك)

25%+ مواد خام Get-4-2008-alraeq_net_xxrjvdeq

25%+ مواد خام Get-4-2008-alraeq_net_xxrjvdeq

وبعد مااتسجل فيهم بترجع بتحدث الصفحة الئديمة تبعك بتلائي انو الاسمين اللي سجلت فيهم نزلو بالجدول محل مو محطوط دعا اللاعبين متل مو موجودين بالصوورة الاسمين اللي عالسيرفرين 3 و 4 واللي كسبت من ورا كل واحد 20 دهبة.....

هلء مهمتك انت انو توصل عدد السكان بكل قرية بالسيرفرين الجداد لل 75 على الاقل مشان تكسب 20 دهبة متل مو شايفين بالصورة فوئ شلونن بعد ماوصلت الاسمين لفوئ ال75 كاتبين انو حصلت على 40 من الدهب..

هلء انا بنصحكم انو تاخدو الثرية من الرومان لأنو اسرع شي بالتطوير البدائي وفينك اتطور شغلتين بنفس الوئت وازا كان هدفك بس الحصول على الدهب يعني تطوير السكان بس فانسى السور والمخبأ والسغلات اللي مابتعطيك زيادة سكان وركز عالسوق والمبنى الرئيسي وتطوير المواد الخام وتقريبا بخلال 7-9 أيام بتكون وصلت لل75 وعالسريع بتفوت عالسيرفر الاول تبعنا بتلائي انو صار عندك 20 دهبة عن كل قرية بتوصلها لل75
وازا عندك رفئات يساعدوك ومو مهتمين بهي اللعبة فينهم يسجلو من غير اي بي بس عن طريئ الرابط تبعك وبس يوصلوا قريتهم لل75 بتربح 20 دهبة

هلء بال 20 دهبة فينك تفعل +25 % من كل نوع من المواد الخام لمدة سبعة ايام
لاتنسى انو مافينك تسجل بالسيرفر الواحد غير مرة وحدة من الاي بي تبعك وانا من شان الاحتياط كل مرة بسجل بحط ايميل جديد ( يعني ماجربت على ايميل واحد سجلت اكتر من مرة)

**ملاحظة 1: لاتزعل عالقرية بعد ماتوصلها لل75 وخلي عواطفك على جنب المهم انك تاخد اللي بدك ياه (20 دهبة) بالنسبة الي انا بتركها للقرية للي عم يلعبو بالسيرفر يسترزئوا منها حلال عليهم وخليها صدقة جارية يعني سبيل....

**ملاحظة 2: اللي عندو رغبة شديدة بالحصول على الدهب ووضعوا مابيسمحلوا انو يتابع اكتر من قرية بعد مايسجل يكتب الاسم والباس وورد منساعدو بالوصول لل75 انشالله مما سيساعد في تطوير الحلف بشكل عام

** ملاحظة 3: لاتنسى انو ازا كان انتاجك من كل نوع 400 بعد الحصول على +25% بصير 500
وازا كان 800 بيصير 1000 ( يعني مستاهلة بظن الشغلة)

**ملاحظة 4: آسف عالاطالة وشكرا....

حسام

الله يعطيك العافية على هل معلومات المفيدة و بتمنى من الجميع الاستفادة
sunny

و شكرا

بدك بوسة ههه لأنو انا مسجل تقريبا بكل السيرفرات ههه ورح بلش بالسابع ورح امشي فيها

المساهمات : 18 تاريخ التسجيل : 26/03/2008 العمر : 36

انو شكراً كتييييييييير معلم

بس مالي خلق أنا لهل القصص